ഇറാനിയന്‍ ചിത്രം, ‘എബൌട്ട് എല്ലി’ (About Elly – 2009) – ഈ ആഴ്ചയിലെ Foreign ചലചിത്രം!

ഈ വെള്ളിയാഴ്ച (20/07/2018) രാത്രി 8:30ന് വണ്‍ ടിവിയില്‍ മലയാളം സബ്ടൈറ്റിലോടു കൂടി സംപ്രേക്ഷണം ചെയ്യുന്ന ഇറാനിയന്‍ ചിത്രം, ‘എബൌട്ട് എല്ലി’ (About Elly – 2009).

രണ്ടു തവണ ഓസ്കാർ അവാർഡും ഒരു ഗോൾഡൻ ഗ്ലോബ് അവാർഡുമുൾപ്പെടെ നേടിയിട്ടുള്ള ഇറാനിയൻ തിരക്കഥാകൃത്തും സംവിധായകനുമായ അസ്ഗർ ഫർഹാദി തിരക്കഥയെഴുതി സംവിധാനം ചെയ്ത് 2009-ൽ പുറത്തിറങ്ങിയ ഇറാനിയൻ ചിത്രമാണ് ‘ദർബറേയേ എല്ലി’ അഥവാ ‘എബൌട്ട് എല്ലി’. അസ്ഗർ ഫർഹാദിയുടെ നാലാമത്തെ ചിത്രമായിരുന്നു എബൗട്ട് എല്ലി.

ഇറാനിലെ മിഡിൽക്ലാസ് കുടുംബ ബന്ധങ്ങളുടെ പശ്ചാത്തലത്തിൽ കഥ പറയുന്ന ഈ ചിത്രം ഒരു മിസ്റ്ററി ചിത്രമാണെന്ന് പറയാം. ഒരു പിക്നിക്കിനിടെ ബീച്ചിനടുത്തുള്ള വില്ലയിൽ വച്ച് കാണാതാകുന്ന എല്ലിയെന്ന കിന്റർഗാർട്ടൾ ടീച്ചറെ തേടുന്ന സഹയാത്രികർ നേരിടുന്ന പ്രശ്നങ്ങളാണ് ഈ ചിത്രത്തിന്റെ പ്രമേയം. റിയലിസ്റ്റിക് രീതിയിൽ ചിത്രീകരിച്ചിരിക്കുന്ന ഈ ചിത്രത്തിന്റെ സ്വാഭാവികത കാത്തു സൂക്ഷിക്കുന്നതിൽ സംവിധായകൻ പുലർത്തിയ ശ്രദ്ധ എടുത്തു പറയേണ്ടതാണ്.

59-മത് ബെർലിൻ ഇന്റർനാഷനൽ ഫിലിം ഫെസ്റ്റിവലിൽ മികച്ച സംവിധായകനുള്ള സിൽവർ ബെയർ അവാർഡ് ഫർഹാദിക്ക് നേടിക്കൊടുത്ത ഈ ചിത്രം ടെഹ്റാനിൽ നടന്ന ഫ്ജിർ ഇന്റർനാഷനൽ ഫിലിം ഫെസ്റ്റിവലിൽ 10 നോമിനേഷനുകൾക്ക് അർഹത നേടുകയും മികച്ച സംവിധായകനുള്ള അവാർഡ് നേടുകയും ചെയ്തു. 82-മത് ഓസ്കർ അവാർഡിൽ വിദേശഭാഷാചിത്രങ്ങളുടെ വിഭാഗത്തിൽ ഇറാന്റെ ഔദ്യോഗിക നോമിനേഷൻ നേടിയ ചിത്രമായിരുന്നു എബൗട്ട് എല്ലി.

മറക്കാതെ കാണുക, വെള്ളിയാഴ്ച രാത്രി 8:30നും, ഞായറാഴ്ച ഉച്ചയ്ക്ക് 1:30നും മലയാളം സബ്ടൈറ്റിലോടു കൂടി!

നീരാളി യുടെ വിശേഷങ്ങള്‍ പങ്കുവച്ച് പാര്‍വതി മേനോന്‍!

ബോളിവുഡ് സംവിധായകനായ അജോയ് വർമ്മ സംവിധാനം ചെയ്യുന്ന മലയാള ചലച്ചിത്രമാണ് നീരാളി. മോഹൻലാൽ, പാർവ്വതി നായർ, നദിയ മൊയ്തു എന്നിവരാണ് ഈ ചിത്രത്തിലെ പ്രധാനകഥാപാത്രങ്ങളെ അവതരിപ്പിക്കുന്നത്. മൂൺഷോട്ട് എൻറർടെയിൻമെൻറിൻറെ ബാനറിൽ സന്തോഷ് ടി. കുരുവിള നിർമ്മിക്കുന്ന ഈ ചിത്രത്തിൻറെ തിരക്കഥ തയ്യാറാക്കിയിരിക്കുന്നത് സാജു തോമസാണ്. 2018 ജൂലൈ 11 ന് നീരാളി പ്രദർശനത്തിനെത്തി.

മലയാളികള്‍ക്ക് അത്ര പരിചിതമല്ലാത്ത സര്‍വൈവല്‍ ത്രില്ലര്‍ ചിത്രവുമായാണ് ഇത്തവണ മോഹന്‍ലാല്‍ എത്തിയത്. സമ്മിശ്ര പ്രതികരണവുമായി മുന്നേറുകയാണ് സിനിമ. നീരാളി യുടെ വിശേഷങ്ങള്‍ പങ്കുവച്ച് ചിത്രത്തിലെ ഒരു പ്രധാന വേഷം കൈകാര്യം ചെയ്ത തെന്നിന്ത്യന്‍ നടി പാര്‍വതി മേനോന്‍, വീഡിയോ കാണാം:

അഡാറ് ടീച്ചറും കുട്ടികളും – “ഒരു അഡാറ് ലവ്” ന്റെ മേക്കിംഗ് വീഡിയോ കാണാം!

ഹാപ്പി വെഡ്ഡിങിനും ചങ്ക്‌സിനും ശേഷം ഒമര്‍ ലുലു ഒരുക്കുന്ന ചിത്രമാണ് ഒരു അഡാര്‍ ലൗ. ചിത്രത്തിലെ മാണിക്യ മലരായ എന്ന പാട്ട് പുറത്തിറങ്ങി മണിക്കൂറുകള്‍ക്കുള്ളില്‍ തന്നെ ആസ്വാദകരുടെ ഹൃദയം കീഴടക്കിയതാണ്. പാട്ടു മാത്രമല്ല, പാട്ടില്‍ അഭിനയിച്ചവരും, ഒരു കൂട്ടം പുതുമുഖങ്ങളാണ് ചിത്രത്തില്‍ അഭിനയിച്ചിരിക്കുന്നത്.

ചിത്രത്തിന്റെ ലൊക്കേഷന്‍ വീഡിയോ കാണാം:

പോർച്ചുഗൽ-ബ്രിട്ടീഷ് ത്രില്ലർ ചിത്രം, ‘ട്രാഷ്’ (Trash-2014) – ഈ ആഴ്ചയിലെ Foreign ചലചിത്രം!

ഈ വെള്ളിയാഴ്ച (13/07/2018) രാത്രി 8:30ന് വണ്‍ ടിവിയില്‍ മലയാളം സബ്ടൈറ്റിലോടു കൂടി സംപ്രേക്ഷണം ചെയ്യുന്ന പോര്‍ച്ചുഗല്‍-ബ്രിട്ടീഷ് ത്രില്ലര്‍ ചിത്രം, ‘ട്രാഷ്’ (Trash-2014).

തിയറ്റർ, ടെലിവിഷൻ, സിനിമാരംഗങ്ങളിൽ പ്രശസ്തനായ ഇംഗ്ലീഷ് സംവിധായകൻ സ്റ്റീഫൻ ഡാൽഡ്രിയുടെ സംവിധാനത്തിൽ 2014-ൽ പുറത്തിറങ്ങിയ പോർച്ചുഗൽ-ബ്രിട്ടീഷ് ത്രില്ലർ ചിത്രമാണ് ‘ട്രാഷ്’ (Trash). പ്രശസ്ത ഇംഗ്ലീഷ് നോവലിസ്റ്റായ ആൻഡ്രി മുള്ളിഗൻ ഇതേ പേരിലെഴുതിയ നോവലിനെ ആസ്പദമാക്കിയാണ് ഈ ചിത്രമൊരുക്കിയിരിക്കുന്നത്.

ബ്രിട്ടീഷ് അക്കാദമി ഫെലോഷിപ്പ് വരെ നേടിയിട്ടുള്ള തിരക്കഥാകൃത്ത് റിച്ചാർഡ് കർട്ടിസ് ആണ് ട്രാഷിന്റെ തിരക്കഥ രചിച്ചിരിക്കുന്നത്. റാഫേൽ, ഗാർഡോ, റാറ്റ് എന്നിവർ ബ്രസീലിലെ റിയോ ഡി ജനൈറോയിലെ തെരുവിൽ വളരുന്ന നിരവധി കുട്ടികളിൽ മൂന്നു പേരാണ്. ഇവരാണ് ചിത്രത്തിലെ നായകൻമാർ. തെരുവിന്റെ ഒരു ഭാഗത്ത് തള്ളുന്ന നഗരമാലിന്യങ്ങൾക്കിടയിൽ നിന്നും ആക്രികൾ പെറുക്കിയാണ് ഇവരുടെ ജീവിതം. ചവറുകൾക്കിടയിൽ നിന്നും അവിചാരിതമായി റാഫേലിന് കിട്ടുന്ന ഒരു വാലറ്റ് അവരെ പോലീസുമായുള്ള ഏറ്റുമുട്ടലിലേക്ക് നയിക്കുന്നു.

ഉന്നതനായൊരു രാഷ്ട്രീയനേതാവിന്റെ അഴിമതികൾക്കെതിരെയുള്ള പോരാട്ടത്തിലേക്ക് അവർ അറിയാതെ എത്തിച്ചേരുകയായിരുന്നു. പോലീസിന് കൈമാറിയാൽ ലഭിക്കാവുന്ന ഇനാം വേണ്ടെന്നു വച്ച അവർ ശരിയെന്നു തോന്നിയ പോരാട്ടവുമായി മുന്നോട്ടുപോകാൻ തീരുമാനിച്ചു. ഒന്നിനു പിറകെ ഒന്നായി ദുർഘടമായ വെല്ലുവുളികൾ നേരിടുന്ന അവരുടെ പോരാട്ടമാണ് ഈ ചിത്രത്തിന്റെ പ്രമേയം.

അവാർഡുകൾ:

2015: BAFTA Award for Best Film Not in the English Language (nominated)
2014: Rome Film Festival – BNL People’s Choice Award: Gala (won)
2014: Rome Film Festival – ‘Alice in the City’ Award (won)
2014: Camerimage – Golden Frog: Main Competition (nominated)
2014: Tallinn Black Nights Film Festival – Just Film Award: Best Youth Film (nominated)

മറക്കാതെ കാണുക, വെള്ളിയാഴ്ച രാത്രി 8:30നും, ഞായറാഴ്ച ഉച്ചയ്ക്ക് 1:30നും മലയാളം സബ്ടൈറ്റിലോടു കൂടി!

കുശലം പറഞ്ഞ് ആസിഫ് അലിയും സണ്ണി വെയ്‌നും, മന്ദാരം ഓഡിയോ ലോഞ്ച്!

നവാഗതനായ വിജേഷ് വിജയ് സംവിധാനം ചെയ്യുന്ന മോനിഷ രാജീവും തിനു തോമസും ചേര്‍ന്ന് നിര്‍മിക്കുന്ന പുതിയ മലയാളചലച്ചിത്രമാണ് മന്ദാരം. ആസിഫ് അലി ആണ് മന്ദാരത്തില്‍ നായകനായെത്തുന്നത്, അഞ്ച് തരത്തിലുള്ള വേഷപകര്‍ച്ചയോടെയാണ് ആസിഫ് സിനിമയില്‍ എത്തുന്നത്. ബാല്യം മുതല്‍ യൗവ്വനം വരെയുള്ള നായകന്റെ വിവിധ കാലഘട്ടങ്ങളിലൂടെയാണ് ചിത്രം കടന്നു പോകുന്നത്.

കൊച്ചിയിലെ ലുലു മാളില്‍ വച്ച് വന്‍ താരനിരയുടെ സാന്നിധ്യത്തില്‍ ചിത്രത്തിന്റെ ഓഡിയോ ലോഞ്ച് നടന്നു. ആസിഫ് അലി, സണ്ണി വെയ്ന്‍, വര്‍ഷ ബോല്ലമ്മ, ഗ്രിഗറി, അര്‍ജുന്‍ അശോക് തുടങ്ങിയവര്‍ പങ്കെടുത്തു, വീഡിയോ കാണാം:


ഞാന്‍ LKG മുതലേ ഡാന്‍സ് കളിക്കാറുണ്ടായിരുന്നു! കിടു വിശേഷങ്ങളുമായി റംസാന്‍!

ഡാൻസ് റിയാലിറ്റി‌ ഷോയിലൂടെ പ്രശസ്തനായ റംസാൻ മുഹമ്മദിനെ‌ നായകനാക്കി മജീദ് അബു സംവിധാനം ചെയ്യുന്ന സിനിമയാണ്‌ ‘കിടു’ .‌ ലിയോണ ലിഷോയി, സുദി കോപ്പ, മിനോൺ‌ ജോൺ, അനഘ, അഞ്ജലി നായർ, പ്രദീപ് കോട്ടയം, സുനിൽ സുഖദ തുടങ്ങിയവർ പ്രധാനവേഷങ്ങളിലെത്തുന്നു. സ്‌കൂള്‍ പശ്ചാതലമാക്കി നിര്‍മ്മിച്ച സിനിമ പ്ലസ്ടു കുട്ടികളുടെ കഥയാണ് പറയുന്നത്.

കലാഭവൻ മണിയുടെ ‘പുതുസായ് നാൻ പുറന്തേൻ’, അവർ ഇരുവർ ,എന്നീ ചിത്രങ്ങൾക്കു ശേഷം മജീദ് അബു സംവിധാനം ചെയ്ത കിടു എന്ന ചിത്രം. സുപ്പർ ഡാൻസർ റംസാൻ, ആൻ മേരി കലിപ്പിലാണ് എന്ന ചിത്രത്തിലെ തള്ളിസ്റ്റ് അൽതാഫ്, നൂറ്റൊന്നു ചോദ്യങ്ങൾ എന്ന ചിത്രത്തിലൂടെ ദേശീയ സംസ്ഥാന പുസ്ക്കാരങ്ങൾ നേടിയ മിനോൺ ജോൺ, ഗപ്പി ഫെയിം വിഷ്ണു എന്നിവരാണ് ചിത്രത്തിലെ പ്രധാന വേഷങ്ങൾ കൈകാര്യം ചെയ്യുന്നത്.

ചിത്രത്തിന്റെ വിശേഷശങ്ങള്‍ പങ്ക് വച്ച് റംസാന്‍ മുഹമ്മദ്, അനഘ, വിഷ്ണു, ലക്ഷ്മി എന്നിവര്‍ On The Spot ല്‍… വീഡിയോ കാണാം: